به گزارش حوزه افغانستان باشگاه خبرنگاران، ارگ ریاست جمهوری در خبرنامه‌ای اعلان کرده است: «رئیس جمهوری اسلامی افغانستان بر علاوه اشتراک در مراسم جنازه، مراتب همدردی و تسلیت عمیق خویش را به نماینده‌گی از حکومت و مردم افغانستان به مقامات حکومتی و مردم ازبکستان، ابراز خواهد کرد.»

قرار است، مراسم  تدفین  اسلام کریموف رئیس جمهور فقید ازبکستان با اشتراک شمار زیادی از سران و مقامات کشورهای منطقه و جهان برگزار گردد.

گفته شده است که وی در زادگاه‌اش در شهر سمرقند به خاک سپرده می‌شود.

دولت ازبکستان روز گذشته مرگ اسلام کریموف رییس جمهور این کشور را تایید کرد.

اسلام کریموف رئیس جمهور ازبکستان روز پنج‌شنبه  ۱۱ سنبله در اثر خونریزی مغزی به عمر ۷۸ سالگی در یکی از شفاخانه‌های شهر تاشکند درگذشت.

آقای کریموف، اولین رییس جمهور ازبکستان پس از استقلال این کشور، به مدت ۲۵ سال رییس جمهور این کشور بود.

انتهای پیام/