بازداشت سه عضو پاکستانی، ترکیه ای و تاجیکستانی داعش در کابل
ریاست عمومی امنیت ملی افغانستان اعلام کرد که نیروهای قطعات خاص این ریاست، سه تروریست وابسته به گروه داعش که شهروندان کشورهای پاکستان، تاجیکستان و ترکیه هستند را در شهر کابل بازداشت کرده‌اند.
به گزارش حوزه افغانستان باشگاه خبرنگاران جوان، ریاست عمومی امنیت ملی افغانستان اعلام کرد که نیروهای قطعات خاص این ریاست، سه تروریست وابسته به گروه داعش که شهروندان کشورهای پاکستان، تاجیکستان و ترکیه هستند را در شهر کابل بازداشت کرده‌اند.
در خبرنامه ریاست عمومی امنیت ملی افغانستان آمده است که این تروریست ها در یک رشته عملیات ویژه در مربوطات شهر کابل بازداشت شده اند.
خبرنامه افزوده است: «در این عملیات‌ها، سه تن از اتباع خارجی مربوط گروه داعش هر یک، نورالله فرزند آدم علمی باشنده کشور ترکیه، نورمحمد فرزند شاکر باشنده کشور تاجیکستان و محمد افضل فرزند نعمت الله باشنده کشور پاکستان بازداشت شده‌اند که از چگونگی پیوستن‌شان به گروه داعش اعتراف کرده‌اند.»
انتهای پیام/
