میاخیل اعلام کرد که دولت افغانستان به پاس خدمات پانزده ساله داکتر ناکامورا، رئیس موسسه خدمات بهداشتی و صلح جاپان، شهروندی افتخاری این کشور را در آینده نزدیک به وی اعطا خواهد کرد.

در محفلی که به همین مناسبت در مقر ولایت ننگرهار برگزار گردیده بود، آقای میاخیل از خدمات پانزده ساله آقای ناکامورا قدردانی کرد.

وی همچنان افزود: بر اساس پیشنهاد مقام ولایت ننگرهار و منظوری مقام عالی ریاست جمهوری، مدال افتخاری به آقای ناکامورا اعطا گردیده و قرار است در آینده نزدیک شهروندی افتخاری افغانستان نیز به وی اعطا گردد.

به گفته میاخیل، مرحله ثبت مشخصات بایومتریک آقای ناکامورا تکمیل گردیده و قرار است وی در آینده نزدیک سند شهروندی افتخاری خود را از سوی اشرف غنی، رئیس جمهور افغانستان دریافت نماید.

انتهای پیام/