به گزارش حوزه افغانستان باشگاه خبرنگاران جوان، کابینه دولت افغانستان طرح وزارت معارف این کشور برای آغاز درس‌های حضوری در مکتب‌های دولتی و خصوصی را تایید کرد.

بر اساس این طرح، آغاز درس‌های حضوری صنف‌های یازدهم و دوازدهم مکتب‌های دولتی، صنف‌های هفتم تا دوازدهم لیسه‌های شبانه، صنوف اول تا دوازدهم مکتب‌های خصوصی با در نظرداشت توصیه‌های صحی وزارت صحت عامه/ بهداشت، از اول سنبله/ شهریور سال ۱۳۹۹ آغاز می‌شود.

گفتنی است که از ابتدای سال تحصیلی ۱۳۹۹ تاکنون به دلیل شیوع ویروس کرونا مکتب‌های دولتی و خصوصی افغانستان بسته بودند.

قرار بود در پانزدهم اسد/ مرداد همزمان با بازگشایی دانشگاه‌های دولتی و خصوصی درس‌های حضوری در مکتب‌های خصوصی و دولتی نیز آغاز شود اما کابینه دولت افغانستان طرح وزارت معارف را در نشست قبلی تایید نکرد.

انتهای پیام/