به گزارش باشگاه خبرنگاران جوان،

تلویزیون ملی افغانستان در حساب کاربری خود در توییتر به نقل از استانکزی نوشت که «افغانستان خانه‌ مشترک همه افغان‌ها است و تمامی افغان‌ها حق زندگی بدون تبعیضات قومی، لسانی و مذهبی را دارند». 

استانکزی افزوده‌است که طالبان با تمام کشورهای جهان به‌شمول آمریکا خواهان روابط نیک هستند.

استانکزی از کشور تاجیکستان هم خواست تا روابط خود را با طالبان ایجاد کند و گفته که ما با کشور تاجیکستان مشترکات بسیاری داریم. 

معاون وزیر خارجه طالبان ترکمنستان را نیز دوست خطاب کرده و گفته‌است که «هیچ‌گاهی این کشور در امور داخلی ما مداخله نکرده‌است و ما هم مداخله نمی‌کنیم».

از میان کشورهای آسیای مرکزی، تاجیکستان تنها کشوری است که به صورت آشکار با سیاست طالبان مخالفت کرده و تاکنون با دولت فعلی کابل در ارتباط نیست.

امام‌علی رحمان؛ رئیس جمهور تاجیکستان بارها بر تشکیل دولت فراگیر با مشارکت اقوام افغانستان از جمله تاجیک‌ها تاکید کرده‌است. طالبان این اظهارات رحمان را مداخله در امور داخلی افغانستان خوانده و تهدید به پاسخ کرده‌بودند. اظهارات دوطرف منجر به تنش جدی شده تا جایی‌که گزارش شده‌بود که جوانب مقابل در مرزها مشترک، نیروی نظامی، مستقر کرده‌اند.

از سوی دیگر، تاجیکستان در حال حاضر میزبان مقام‌های جبهه ضد طالبان به رهبری احمد مسعود است.