داعش افغانستان مسئولیت حمله به نقاط مرزی تاجیکستان را بر عهده گرفت
داعش افغانستان اعلام کرد که حمله به تاجیکستان را از ولسوالی خواجه غار ولایت تخار افغانستان انجام داده است.
گروه تروریستی داعش در افغانستان با نشر پیامی مسئولیت حمله راکتی از خاک افغانستان به نقاط مرزی تاجیکستان را به عهده گرفت.
رسانه‌های محلی گزارش داده اند که این حمله شام روز شنبه از افغانستان به نقاط مرزی تاجیکستان صورت گرفت.
یک منبع از مرز تاجیکستان به خبرگزاری اسپوتنیک بخش تاجیکستان گفت: «به مرزبانان و پایگاه‌های ما هیچ آسیبی نرسیده است.»
منابع محلی می‌گویند نظامیان تاجیکستانی در واکنش به شلیک چندین موشک از خاک افغانستان، به ولسوالی خواجه غار تخار گلوله‌باری کرده‌اند.
این دومین همسایه افغانستان است که از سوی داعش مورد حمله قرار می‌گیرد. پیش از این داعش، با نشر یک ویدئو مدعی شد که ۱۰ راکت کاتیوشا به نیروهای ازبکستان در ترمذ شلیک کرده است.
در باشگاه خبرنگاران جوان پیگیری شد؛
معلمان نهضت سوادآموزی چگونه می‌توانند استخدام آموزش‌وپرورش شوند؟
