طالبان:
۲۰ هزار عالم دینی را در دولت جذب می کنیم
مسئولان در وزارت معارف طالبان گفتند عالمان دین را در اداره‌های دولتی جذب می‌کنیم و مدرسه‌های دینی را به رسمیت می‌شناسیم.
سیدغیاث‌الدین، مشاور وزارت معارف طالبان که روز گذشته در محفلی در میان مردم در شهر میمنه، مرکز فاریاب صحبت می‌کرد، گفت در دولت‌های گذشته در حق عالمان دین جفا شده بود و دولت‌ها به آن‌ها ارزشی قایل نبودند.
غیاث الدینی گفت طالبان تصمیم گرفته است ۲۰ هزار بست خالی را برای جذب عالمان دین در اداره‌های دولتی، برای آنان اهدا کند.
سیدغیاث‌الدین افزود مدرسه‌های دینی را به رسمیت می‌شناسند و مدرسان را در بست‌ها جابه‌جا می‌کنند.
