عبدالجبار تخاری، سر کنسول افغانستان در شهر کراچی پاکستان گفته است ۲۸ مهاجر دیگر افغانستانی از جمله کودکان، از زندان‌های پاکستان آزاد و به افغانستان منتقل شده‌اند.

این شهروندان افغانستانی از زندان‌های ایالت سند آزاد شده و روز دوشنبه، ۲۰ سنبله، از مرز چمن راهی افغانستان شده اند. 

به گفته‌ او، تلاش برای رهایی زندانیان دیگر از این کشور نیز جریان دارد. 

پلیس پاکستان طی ماه‌های گذشته اقدام به بازداشت مهاجران افغانستانی کرده است و تاکنون صدها تن را بازداشت نموده و گفته می‌شود هم‌اکنون نیز ده‌ها تن از ماه‌ها به این‌سو در زندان‌های این کشور به‌سر می‌برند.