رئیس مطالعات استراتژیک وزارت خارجه تاجیکستان گروه‌های تروریستی در منطقه «بدخشان» با گروه‌های تروریستی در افغانستان ارتباط دارند.

شرف رحیمی، رئیس مطالعات استراتژیک وزارت خارجه‌ تاجیکستان اعلام کرد در حال حاضر عواقب فعالیت‌ گروه‌های تروریستی در افغانستان را در امتداد مرزهای کشور خود احساس می‌کنیم.

وی با اشاره به بازداشت اعضای شماری از گروه‌های تروریستی توسط نیروهای امنیتی تاجیکستان در امتداد مرز با افغانستان، اظهار داشت این موضوع «گواه روشنی» بر ارتباط نزدیک میان گروه‌های تروریستی در بدخشان ما با تروریست‌ها و جنایتکاران مواد مخدر در افغانستان است.

این مقام تاجیکستانی گفت تروریست‌ها در افغانستان اکنون خود را با واقعیت‌های جدید تطبیق می‌دهند و اشکال و روش‌های جدیدی را برای انجام اقدامات تروریستی ابداع می‌کنند و به کار می‌برند.

رحیمی اظهار داشت «عناصر تروریستی» مقدار زیادی سلاح‌های سبک و سنگین و تجهیزات نظامی در انبارهای مهمات خود دارند.

تاجیکستان در پی تحولات اخیر افغانستان بارها از حضور و فعالیت گروه‌های تروریستی در این کشور و افغانستان همچنین قاچاق مواد مخدر ابراز نگرانی کرده است.

پیش از این، امامعلی رحمان، رئیس‌جمهور تاجیکستان در مجمع عمومی سازمان ملل گفته بود در دو سال اخیر قاچاق مواد مخدر از افغانستان به تاجیکستان افزایش یافته است.

ذبیح‌الله مجاهد، سخنگوی حکومت کنونی افغانستان پیش از این در واکنش به اظهارات مقامات تاجیکستان گفته بود هرگز کابل اجازه نخواهند داد که از خاک افغانستان علیه کشور دیگری استفاده صورت گیرد.