ابراهیم رییسی، رییس جمهور ایران که به تاجیکستان سفر کرده است در یک نشست خبری مشترک با امام علی رحمان، رییس جمهور تاجیکستان گفت تهران و دوشنبه درباره وضعیت مردم افغانستان «دغدغه مشترک» دارند.

رئیسی تاکید کرد هردو کشور به تشکیل یک حکومت که بتواند از تمام مردم افغانستان نمایندگی کند، باورمند هستند.

چندین پیش، رییسان جمهور ایران و تاجیکستان از «حضور و فعالیت» گروه‌های تروریستی در افغانستان ابراز نگرانی کرده بودند.

گفتنی است که همواره شماری از کشورهای همسایه افغانستان به‌ویژه ایران، پاکستان، تاجیکستان، روسیه و هند از افزایش قاچاق مواد مخدر و گسترش فعالیت‌های تروریستی پس از تسلط دوباره طالبان بر کشور ابراز نگرانی و بر ایجاد حکومت فراگیر در افغانستان تاکید کرده‌اند.