باشگاه خبرنگاران جوان - فصیح‌الدین فطرت، رییس ستاد ارتش حکومت طالبان گزارش داده که طالبان ده هزار جنگ‌جو به ولایت‌های هم مرز با تاجیکستان و ازبیکستان اعزام می‌کنند.

فطرت گفت: «ارتش قدرتمند ده هزار نفری مستقر در ولایت‌های شمالی و شمال شرق کشور با سلاح‌ها و تجهیزات مدرن ناتو و امریکا، در برابر هرگونه اقدام‌های مسلحانه تدابیری اتخاذ خواهند کرد.»

او در ادامه خاطرنشان کرد: «هواپیماهای جنگی در کم‌ترین زمان ممکن آماده خواهند شد و از این نیروی قدرت‌مند پشتیبانی خواهند کرد.»

افغانستان با ازبیکستان ۱۳۷ کیلومتر مرز دارد. افغانستان از شهرک مرزی حیرتان در شمال، به ازبیکستان وصل می‌شود.

هم‌چنین افغانستان از ناحیه‌ی شمال- شرق از راه ولایت بدخشان و هم‌چنین از ولایت کندز در شمال از مرز «شیرخان بندر» با تاجیکستان وصل می‌شود.

قاری فصیح‌الدین فطرت، معروف به فاتح ولایت پنجشیر، یک فرمانده‌‌ نظامی طالبان است. او اکنون رییس ستاد ارتش حکومت طالبان است.

انتهای پیام/ه