کمیته‌ بین‌المللی صلیب سرخ می‌گوید، هشت مکتب در مرکز و دو ولسوالی ولایت لغمان که در جنگ‌های اخیر آسیب دیده بود، توسط این کمیته بازسازی شده است.

این کمیته امروز (یک‌شنبه، ۲۱ حمل) در صفحه‌ی فیسبوک خود نوشته است که تأسیسات عامه به‌شمول تعدادی «زیاد» از مکاتب سال گذشته بر اثر منازعات در ولایت لغمان شدیدا آسیب دیده است.

کمیته‌ بین‌المللی صلیب سرخ گفته است که این کمیته بازسازی هشت مکتب در ولسوالی‌های الینگار، الیشنگ و مهترلام را به پایان رسانیده است. از این مکاتب، نزدیک به شش هزار دانش‌آموز استفاده می‌کنند.

در جنگ‌های شدید سال‌ گذشته در ولایت‌های دیگر نیز تأسیسات عامه آسیب دیده است.

در برخی از موارد طالبان با کارگذاری بمب پل‌های عبوری، جاده‌ها و ساختمان‌های دولتی را منهدم کرده‌اند.