ندا محمد ندیم، سرپرست وزارت تحصیلات عالی طالبان در سفر به تاتارستان روسیه، خواهان پشتیبانی از بخش آموزش در افغانستان شده است.

ندا محمد ندیم در نشست بین‌المللی وزیران معارف روسیه در جمهوری تاتارستان، حضور کادرهای مسلکی را در افغانستان مهم خوانده و از کشورهای همسایه خواسته است تا کادرها را به افغانستان بفرستند.

سرپرست وزارت تحصیلات عالی طالبان گفته است برنامه‌هایی برای بردن ظرفیت استادان دانشگاه‌ها از سوی این وزارت در حال اجرا می باشد.

سرپرست وزارت تحصیلات عالی طالبان در این نشست از کم‌بود زیربناهای معیاری و کم‌بود لابراتوارها نیز سخن گفت و از جامعه جهانی خواسته است تا در بالا بردن کیفیت در زمینه تحصیلات، با طالبان همکاری کند.