تعلیق فعالیت سفارت افغانستان در برلین
آلمان فعالیت سفارت افغانستان در برلین را تعلیق می‌کند.
منابع دیپلماتیک در آلمان می‌گویند که دولت آلمان از دیپلمات‌های افغانستان در سفارت کشور در برلین و قنسولگری آن در بن خواسته که به کار خود پایان دهند.
همزمان دولت آلمان تاکید کرده که به طالبان هم اجازه نخواهد داد نمایندگانی را به این کشور بفرستند.
به گفته منبع، دولت آلمان تنها به کارمندان تکنیکی این نمایندگی‌ها اجازه داده تا به منظور ادامه خدمات قنسولی در سفارت افغانستان در برلین و قنسولگری بن به کار خود ادامه دهند.
